கோடையும் தேடிக் களைக்கிறது…
பெரு மரத்தடி நிழலை!

கயிற்றுக்கட்டில்கள் விசும்பின!
மன்றாடுதலும் மறுத்தலும்…
எடுபடாமல் அறுபட்டன…
மரங்கள்!

நான்கு சுவர்களில்…
அடைபட்ட சந்ததிகளை..
சென்றடையவில்லை…
நிழல் சொர்க்கம்!

பொருளீட்டுதலின் பொருட்டு….
அமைந்துவிட்ட சுயநலங்களில்..
வியர்வை ஆறு வழிகிறது!

பசுமை தொலைந்த….
காய்ந்த மனங்களில்….
செயற்கை வாசம்…
பரவி வழிகிறது!

புன்னகையை….
அடகு வைக்கின்றன…
பதற்ற நாழிகைகள்!

அடர்த்தி மறைந்த..
அலங்கோல ஓட்டங்களில்..
சருகுகளை மிதித்தவாறே…
அழுது மடிகின்றன..
கால்கள்!
……..

அகங்களைச்…
சுத்திகரிக்கச் சொல்லிய…
கணங்களினூடே…
விழித்திருந்தது…
அகங்காரம்!

நிரந்தரங்களெனும்…
அறியாமைக்குள்…
ஒளிந்து சொந்தமாகியிருந்து…
அகம்பாவம்!

சிறகு விரித்த மனங்களை…
சிதைத்துக் கொண்டிருந்தது…
பெரும் செருக்கு!

அழகிய அபிமானங்களைப்
பற்றவைத்துப்போகிறது…
மமதையின் பேதமை!

நளினமான
பேரன்பு நீரோடையின்….
அமைதியில்…..
விழித்திருந்த அகந்தை
உறங்கிப்போகிறது!
…………….

கடல் மலை…
நதிகளைக்கடந்து வந்தன…
அக் கரைப் பறவைகள்!

நியாயமில்லா ..
இரைகளைக்குவிக்கும்
மனிதனைக் கண்டு….
கலங்குகின்றன!

அழிப்பதிலும் நசுக்குவதிலும்….
யார் பெரிதென எண்ணம்….
பரவி வடிகிறது!

உயிர்களைத் தின்றுவிட்ட…
உயிர்….
அடங்கியபாடில்லை!

பற்றவைத்த வேள்வித் தீ…
பரவி எரித்து சாம்பலாக்கி….
நச்சுகள் களைதல்….
நாளை நடக்கலாம்!

சுய பரிசோதனையின்….
கதவுகளில்….
காற்று மோதுகையில்…
அக்கதவுகள் வளையலாம்!

அவ்வாறான விளைச்சல்களால்…
விருந்துக்கு வித்திடலாம்!
வெற்று ஆரவாரங்கள்
துறந்து!

இன்னா செய்த…
ஆறறிவுக்கும்….
நன்மையே பயக்கின்றன….
ஐந்தறிவுப் பறவைகள்!
…..

தகுதி

வலது காலை
எடுத்து வைத்து வாமா
காலம் காலமாக
இந்த வார்த்தையை கேட்டு
சிரிப்புதான் வருகிறது
எனக்கல்ல!
வலது காலிற்க்கு
வலது கால்
என்ற தகுதியை கொடுத்த
இடது காலிற்க்கு !

பணநாயகம் என்றால் ஊழலால் நான், ஊழலுக்காகவே நான்; பணநாயகம் என்றால் ஊழலுக்காக ஊழலால்; பணநாயகம் என்றால் ஊழலின், ஊழலுடைய, ஊழலுக்காக, ஊழலால்; அரசியல்வாதிகள் மக்களை வார்த்தை ஜாலத்தால் செய்வார்கள் ஜனரஞ்சகம்; வாக்குவாங்கி முட்டாளாக்க இது அவர்களின் நயவஞ்சகம்

தேர்தல் நேரத்தில் அரசியல்வாதிகள் மக்களிடம் தஞ்சம்; மக்களை குழப்பி, ஏமாற்றி செய்வார்கள் வஞ்சம்; வறுமை, பசி-பட்டினி எல்லாம் சேர்ந்தால் பஞ்சம்; மக்களும் வேறு வழியில்லாமல் அரசியல்வாதிகளிடம் தஞ்சம்; அறியாமையால் வாக்களிக்க வாங்குவார்கள் லஞ்சம்

தேர்தலுக்கு பிறகு ஏமாற்றமே மிஞ்சும்; ஏமாந்த பிறகு மக்களுக்கு எது தான் எஞ்சும்; மக்கள் கூட்டம் நியாயவிலைக்கடையில் தேவைகளுக்காக கெஞ்சும்; அடுத்த தேர்தலுக்கு தயாராகி அரசியல் கட்சிகள் வாக்குக்காக கெஞ்சும்

கவிதையின் பெயர்:- பணநாயகம் எழுத்தாளர்:- M.மனோஜ் குமார்

கவிதையின் பெயர்:- இயற்கையே கடவுள்
எழுத்தாளர்:- M.மனோஜ் குமார்

ஜனநாயகம் என்றால் மக்களாட்சி;
நமது முக்கிய கடமை ஒரு விரல் புரட்சி;
இதில் ஒவ்வொருவரும் தொட்டு பார்க்க வேண்டும் அவரவரின் மனசாட்சி; இதற்கு உலகமே அத்தாட்சி

ஜனநாயகம் என்றால் ஒரு நாட்டிற்கான பாராளமன்ற அமைப்பு அரசாங்கம்;
மக்கள் கடவுள் என்றால் இது கடவுளின் ராஜாங்கம்;
இதில் முடிவெடுத்தல் மக்களின் ஒரு அங்கம்;
மக்களின் எல்லாம் அதிகாரங்களும் இதில் அந்தரங்கம்

ஜனநாயகம் என்பது முகப்புரையில் ஒரு முக்கிய சொல்லாகும்;
இந்த முகப்புரையே நேருஜியின் அறிமுக உரை மற்றும் அறிக்கையாகும்;
இது பல சிறப்பம்சங்கள் கொண்ட அறிக்கையாகும்;
இதுவே மக்களுக்கு ஒரு காணிக்கையாகும்

கவிதையின் பெயர்:- ஜனநாயகம்
எழுத்தாளர்:- M.மனோஜ் குமார்

கவிதையின் பெயர்:- கடைசி பாட்டு
எழுத்தாளர்:- M.மனோஜ் குமார்

கணக்கும் இலக்கியமும் இரண்டு கண்கள் என்று சொன்னார் வள்ளுவர்;
இவை இரண்டுமே எண் மற்றும் எழுத்து என்று விளக்கமாக சொன்னார் அவர்;
இவ்விரண்டும் இல்லையெனில் சிறுவர்களும் ஏமாற்றுவர்;
படிக்காதவரும் நம்மை விழுங்கி விடுவர்

திறமைசாலிகளை உலகம் விரும்பும்
அவர்களை பிரிந்தால் துன்பத்தில் தேம்பும்;
பேச்சு இனிக்க இனிக்க பேசினால் மயங்கும்;
இதுவே புலவர்களின் சிறப்பு குணமாகும்

கல்வி கற்றல் பெரிதல்ல; கற்ற கல்வியை பயன்படுத்த வேண்டும்;
இல்லையென்றால் அவமானத்தை சந்திக்க வேண்டும்;
கற்ற கல்வி அனைவருக்கும் பயன்தர வேண்டும்;
இல்லையென்றால் மிருகத்தை போல் சுற்றி திரிய வேண்டும்

உதவியின்றி தவிப்பவர்க்கு உதவி செய்ய படி!
உணவு இன்றி தவிப்பவர்க்கு உணவு போட படி!
அழுபவனின் கண்ணீரை துடைக்க படி!
ஊர் பிரச்சனைகளை தீர்த்துவைக்க படி!

படித்தவர்க்கு சென்ற இடமெல்லாம் சிறப்பு
படிப்பறிவு இல்லாதவரை பார்த்தால் எல்லோருக்கும் வரும் வெறுப்பு ;
உலகத்தில் கல்வி தான் அழிக்கமுடியாத, நிலையான சொத்து;
மற்றவையெல்லாம் நிலையில்லாத, எளிதாக அழியக்கூடிய சொத்து

கவிதையின் பெயர்:- கற்க கசடற
எழுத்தாளர்:- M.மனோஜ் குமார்