வேரில்லா வான
விருட்சமதிலே….

கிளையில்லா மேக
இலைகளினூடே….

காம்பில்லா நட்சத்திர
மலர்கள் சூழ….

மத்தியிலோர் கறைபடிந்த
கனியொன்று…

காண்போரின் கண்களை
அழகாய் பறித்துத் தின்றது…

“பௌர்ணமி நிலவு”

-loganayagi mohan kumar

சிறப்பு மிக்க சித்திரையில்
சித்திர குப்தரின் அகவையில்
அவர் தம் மதி போன்ற முழுமதியில்
அவரை துதித்து, அவர் புகழ் பாடி,
அவர் குறிக்கும் கணக்கின்
அளவுகளை மாற்ற சலுகை பெற்ற நாள்,
உயிரெடுப்பவன் பணிச்சுமை பகிர
உயிரெழுத்தானவன் பரிசளித்த
உத்தமனை வணங்க
உகந்த பொன்நாள் இந்த பௌர்ணமி

மே தினம்

நாள் ஒன்றை நான்காய் பிரித்து
நான்கில் மூன்று வேலை நேரமென்றிருக்க,
நாளங்கள் முறிய உடல் சோர
நாளும் உழைப்போர் நலனுக்காக,
நாடுகள் எங்கும் போராட்டம் செய்த
நல்லோர் பலரின் தியாகத்தினால்,
நாற்பிரிவு முப்பிரிவாக்கி
அதில் ஒன்றைப் பணி நேரமாக்கி
அன்று வகுத்த சட்டத்தை
அனைத்து நாடுகளும்
ஆதரித்துக் கொண்டாடும் நாலே
இந்த மே தினம்

இருள் நீங்கி வெளிச்சம் ஒளிரட்டும்; நிறைவேறாத ஆசைகள் நிறைவேறட்டும்; காதல், அன்பு ஆழமாக வளரட்டும்; சந்தித்து, சேர்ந்து இரு மனங்களும் மலரட்டும்

காதல் உலகம் வானில் பிரகாசிக்கட்டும்; ஒளி-அலையுடன் திருவிழா கொண்டாடட்டும்; உடைந்த ஆசைகள் ஏற்றப்படட்டும்; கண்ணீரில்லா விடுதலை அடையட்டும்

உடையாத தூய ஆசைகளாய் மாரட்டும்; மனங்களின் விரகம், தாபம் அகலட்டும்; மனதில் உள்ள ஏக்கம் தீரட்டும்; வாடிய இதயங்களின் கண்ணீர் நீங்கட்டும்

ஏற்றப்பட்டது விளக்குகள்; ஏற்றப்பட்டது உடைந்த ஆசைகள்;

கவிதையின் பெயர்:- காதல் ஏக்கம்
கவிஞர்:- M.மனோஜ் குமார்