கவிதை போட்டி 2023_11 , 2023_12

அகிம்சையின் அண்ணல் … மனிதருள் மாணிக்கம்

போர்பந்தரின் நாயகனாம்! உண்மையின் உத்தமராம்!
அகிம்சையின் வித்தகராம்! கஸ்தூரிபாயின் புத்திராம்!!
ஆயுதத்தால் என்றுமே வெல்ல முடியாததை
அகிம்சையால் வென்ற வெற்றி வீரராம்
மூவரிக் கோடுகளோ அவர் நெற்றியில்
பல மைகளோ இவர் வாழ்க்கையில்
மனதிலோ வலிமை உள்ளத்திலோ தூய்மை
சொல்லிலோ உண்மை செயலிலோ நேர்மை
உவகையால் உலகை வென்ற கைத்தடிமனிதர்
பாற்கடலில் கடைந்து எடுத்த அமுதம்
பாரதத்தாய் கண்டு எடுத்த முத்து
விடுதலை பெற்று தந்த வைரம்
இதயத்தில் விதைத்தார் எளிமையின் வித்தை
ஈன்றன்னை உளம்மகிழ படைத்தார் சத்தியசோதனை
தீயிட்டு ஒழித்தார் களையெனும் தீண்டாமையை
ஏழ்மையை போக்க களைந்தார் ஆங்கிலேயஆடையை
உப்பு சத்யாகிரகம் செய்து அணிந்தார் சத்தியத்தை
உள்ளங்கையால் சுழற்றினார் கதர் இராட்டினத்தை
ஒன்றுபட அமைத்தார் இந்து-முஸ்லீம் சமத்துவத்தை
அனைவரும் படிக்கனும் அவரின் சுயசரிதை
நேர்மையும் நேரமும் தவறக்கூடாது என்றார்
நேர்த்தியாய் அரும் பெரும் அண்ணலார்
காந்தி குடித்ததோ ஆயுள் வளர்க்கும் ஆட்டுப்பாலு
நிலக்கடலையே அவரின் தினச்சோறு
கடமையை உடைமை ஆக்கினார் காந்தி
இன்று எண்ணற்ற இதயங்களில் காந்தி
ஏழை மக்களுக்கு பெற்று தந்தார் சாந்தி
உலகம் முழுவதும் கிடைத்தது மனஅமைதி
அண்ணல் காந்தி அணையா விளக்கு
இல்லம்தோறும் காந்தியின் கொள்கை
ஐயமின்றி சொல் அண்ணல் காந்திக்கு அஞ்சலி
ஓளடதம் போன்றது அவரின் பொன்மொழி
மனிதருள் மாணிக்கமாம் தேசப்பிதாவினது
தபால்தலையை வெளியிட்டு உலக நாடுகள் கௌரவித்தது

ஆக்கமும் எழுத்தும் புனிதா

தேன் சிந்தும்
குரல் நாவில்
நடனமாட இசையால் இவ்வுலகை ஈர்த்தவரே

மூச்சு விடா
பாடலிலும் பெயர்
பெற்றவரே மடியும்
வரையிலும் சிறகடித்தவரை

கூவும் குயிலும்
மெய் சிலிர்த்ததே
பல்லாயிரக்காலம் ஆயினும் இவ்வுலகையாளும் இசையே

கண்ணிமைக்கும் கவிதை பூ

மனதில் நின்ற மனம் குறையாத வாசம்
அந்த மழலை தரும் புன்னகையின்
இறுக்கமான விழியசைவு

ஒருதலை காதல் உலகிற்கு வருவது
இவளுடன் உரையாட துடிக்கும் நிகழ்வின் தொடக்கத்தில் தான்

யாரென்று தெரியாத சமயம் கூட
ஒரு சலனமில்லாத சங்கீதம் அவள் வியந்த பார்வையின் விருப்பத்தில்……

அவளுக்கோ பார்ப்பதெல்லாம் வியப்பு…
நமக்கோ அவர்கள் நம்மை பார்ப்பதே சிறப்பு….

இறைவனின் இயக்கத்தில் ஒரு முக்கியமான அற்புதம்…. மழலை

திருநங்கையின் தாய்மை*

அர்த்தநாரீஸ்வரனாய் அலைகின்றேன்!!

அங்கீகாரத்திற்கு அப்பாற்பட்டவளாய் விளங்குகின்றேன்!!

தாய்மை என்னும் பேரு பெற்றேன்!!

சமூக வலிதனை இறக்கி வைத்தேன்!!

படைத்தவனின் திருவருளால்
முழுமை என்னில் உணரப்பட்டேன்!!

அவ மானம் என்னும் அழுக்கை நீக்கி!!

பெண்மையின் தூய்மை உணரப்பட்டேன்!!

தத்தளித்த கப்பலாய் தினம் தவித்தேன்!!

தங்கமே நீ வந்த ஒரு நொடியில் – கரை சேரும்

கலங்கரையை நான் கண்டு கொண்டேன்!!

தாயாக மாறிவிட்டேன்
நல் தந்தை போல காத்திடுவேன்!!

என் இறுதி வரை உன்னை ரசிக்க
என் இரு விழிகள் போதாது!!

இதயத்திலே கோட்டை கட்டி
இளவரசி போல நான் ரசிப்பேன்!!

சமுதாயத்தின் சரித்திரத்தில்
சாதித்த ஓர் நிகழ்வு!!

திரு தாய்மையை உணர்ந்திடும்
தர்மத்தின் ஓர் நிகழ்வு!!!!!

” கவிதை ”
வரையப்படாத ஓவியம்

ஓரிரு வரி காவியம்

எளிமையின் உருவாய் வரும்

எழுத்திற்கும் உருவம் தரும்

தவறுகளைச் சுட்டிக் காட்டும்

நீதியை கட்டி காக்கும்

பண்பாட்டை கருவாய் கொள்ளும்

காதலுக்கு தூதாய் செல்லும்

கலாச்சாரத்தை விளக்கிச் சொல்லும்

என்றும் காலத்தை வெல்லும்

இலக்கிய உலகின் நிலவாக

படித்துப் பார்த்தால் மெதுவாக

இதயம் கவரும் அழகாக