பாரதியாரின் புதிய ஆத்திசூடி – 1

ஒவ்வொரு வாரமும் இலக்கிய சனி பகுதியில் பத்து வரிகளுக்கு சிறப்பான விளக்கம் (ஏழு வரிகளில்) தருகிறார் கோமகன் – bharathiyar puthiya aathichudi 1

அச்சம்தவிர்

அஞ்சுதற்கு அஞ்சாமை
பேதைமை என்றுரைப்பார்
வள்ளுவர் என்றாகினும்
அச்சமே அடிப்படையான
நாதமென்றேவானால்
வாழ்வதைவிட சாவதே
மேலேயாம்

ஆண்மை தவறேல்

ஆண்மை எனப்படுவது
யாதெனில் உடல் வலிமை
என்றேதான் உரைப்போரே
உண்மையென்பததுவன்று
உலகில் மாதரை போற்றும்
மாண்பறமே ஆண்மை என
உணருவீர்

இளைத்தல் இகழ்ச்சி

இளைத்தல் என்பதன்
பொருளென்பதெனவோ
நம் வளங்குன்றுதலின்
வகையென அறிவீரோ
வளமென்பதுவே நற்பேறு
நல்லறம் என்றே ஏற்றுக் கொள்க

ஈகை திறன்

வகைபாடு என்பது திறன்
ஈகையின் வகைபாடென
இருக்குமெல்லாம் ஈவது
ஏற்போர்கெல்லாம் ஈவது
நாம் இயன்றவரை ஈவது
நமது இறுதி வரை ஈவதும்
என்றே கொள்வீர்

உடலினை உறுதி செய்

அதிகாலை துயிலெழு
நாள்தோறும் நடை பயில்
தினசரி தியானம் யோகா
நல்லதோர் உணவும் எடு
லாகிரி போதை புறந்தள்ளி
உன் உடலை பேணினால்
மனதிலிலும் வலிமைதான்

ஊண்மிக விரும்பு

ஊண் என்பதன் கருத்தை
உணவெனக் கொள்ளாதீர் அதன்
உண்மைப்பொருள்
ஆன்மாவின் இன்ப துன்ப
நுகர்வு எனக் கொண்ட
உணர்வதானால் ஆன்மா
மேல் அவா கொள் – bharathiyar puthiya aathichudi

எண்ணுவது உயர்வு

உள்ளக்களிப்பு ஒன்றுளது
என்றாயின் எண்ணத்தில்
எண்ணுவதை என்றும்
மிகுத்த உயர்வானதொரு
நல்லறத்தின் ஆணிவேர்
அடிவேர் என்றே தான்
ஏற்றுக் கொள்

ஏறுபோல் நட

ஏறு என்பது மாட்டினம்
மட்டுமல்ல ஏறுசேவகன்
என்றொரு பதமுண்டு
அதன் அர்த்தம் உயர்ந்த
வெற்றி கண்ட வீரனின்
நடை பெருமிதம் கொண்ட
பீடு நடையதுவாகுமே

ஐம்பொறி ஆட்சிகொள்

பூமியில் பிறந்தோரிடை
புலன் ஐந்து உண்டேயாம்
கண் காது மூக்கு செவி
இவற்றோடு தொடுதல்
உணர்வுமே ஆமாயின்
அவை யாவும் அடக்குதல்
அவசியம் தானே

ஒற்றுமை வலிமையாம்

தனித்தே செயல்பட்டால்
தனித்தன்மை உடையது
என்பது உண்மையாயினும்
ஒற்றுமை எனும் உணர்வே
ஒரு படி அதற்கும் மேலே
பலன் தரும் என்பதையும்
உணர்ந்து கொள்

– மா கோமகன்