ஒற்றைத் தளிர் காதல் கொடியாக கவிதை

காதலே உனக்காக நான் வெறும் ஒற்றைத் தளிர் தாங்கிய கொடியாக

என்னில் பூத்த ஒற்றைத் தளிரே
நீ மட்டுமே நிலைத்திருக்க .
உனக்காகக நான் வெறும்
ஒற்றைத் தளிர் தாங்கிய கொடியாகவே.

என்னை அலங்கரிக்கத் தோன்றிய
என் படைப்பிலக்கியமே.

என் பாலை மனதில் பூத்த குறிஞ்சி மலரே,
நீ மட்டுமே நிலைத்திருக்க .
என்னில் பூக்கத் துடித்த தளிர்கள் யாவும்
அங்கீகாரம் பெறாமல் இன்னும்
வெளியேற்றப்பட்ட எதிர் கட்சி உறுப்பினர்களாய்.

நீயாகவோ, தற்செயலாலோ,
என் காதலை அணுக்களாகப் பிளந்து
தூக்கி வீசினாலும் , அமீபாவின் சுழற்சியில்
அந்த காதல் விதைகள் சொல்லும்
என் விருட்சமாகி நின்றவள் நீ தான் என்று.

– நீரோடைமகேஷ்