ஆகாயம் – ஒரு கவிப்பயணம்

நீரோடையின் இளம் கவிஞர் கி.பிரகாசு அவர்களின் வானில் சங்கமித்த (தொடரி) வரிகள் – aagayam kavithai.

வானில் ஒளிரும் ஒளி வட்டம்
இருளாத சுடர் விளக்கு
கவிஞனின் கற்பனை மாயம்
கவிதையில் அழகு ஓவியம்
மழலையின் அன்பு பெயர்
சுட்ட கதை சுடாத வடைக்கும்
வாடமல் மலரும் “நிலா” – aagayam kavithai

கோபத்தின் உச்சகட்டம்
விடியலின் தூண்டுகோல்
ஆகாயத்தில் ஒரு அக்னி நட்சத்திரம்
மலர்ந்து துயில் கொள்வது ஆழ்கடலில்
புத்தரிசி படையலும் பொங்கல் அன்று மணக்கும்
என்றுமே செக்க சிவந்த ரோஜா “சூரியன்”

எல்லையில்லாத தேடல்
நட்சத்திரங்களின் வனம்
முகில்கள் தவிழ்ந்து விளையாடும் நந்தவனம்
பறவையின் சிறகுகளும் பரவசமாக சுற்றிவரும்
மதியின் முகம் வீச நான் படுத்து உறங்க
இடம் வேண்டும் “வானில்”…..

–  பிரகாசு.கி அவனாசி