சிறகுகள் விரித்துவிடு

மருத்துவத்துறை அனுபவங்களை வைத்து எழுதப்பட்ட நினைவுச் சிறகுகள் புத்தகத்தின் ஆசிரியர் வள்ளி அவர்களின் தன்னம்பிக்கை வரிகள் – thannambikkai kavithai

சிறகடிக்க கற்றுக் கொள்!
மனமே!!
சிறகடிக்க கற்றுக்கொள்!
சிந்தனை சிதைந்துவிடில்
சிறகுகள் முடங்கிடுமே!

சிறகுகள் முடங்கிவிடின் மனம்,
செயல்திறன் இழந்திடுமே!
செயல் திறனற்று விடின், செல்லாக்காசாகிடுமே
வாழ்க்கை!!

கவலை எனும் சிறிய நூல்,
கட்டிடுமே நமை வாழ்வில், கவனங்கள் சிதறிடுமே!!
காரிருளில் தள்ளிடுமே!!

தன்னம்பிக்கை எனும்
தாரக மந்திரம்..
தகர்த்திடுமே தடைக்கற்களை!!

நம்பிக்கையெனும்
நட்சத்திர ஒளியிலே,
நடந்திடலாம் பாலையிலும்!! – thannambikkai kavithai

பயனற்ற சிந்தையால்,
பலமற்று போகாதே!!
கவலைகள் களைந்துவிடு!
காரியம் ஆற்றி விடு!
சிந்தனை தெளிந்து விடு மனமே…
சிறகுகள் விரித்து விடு!!!

– தி.வள்ளி, திருநெல்வேலி