சிவசரன் கவிதை

செங்கோட்டையை சேர்ந்த அன்பர் சிவசரன் அவர்கள் எழுதும் கவிதை புத்தகத்தில் இருந்து சில கவிதைகளை வழங்கியுள்ளோம், விரைவில் அவரது கவிதை புத்தகம் வெளியிடப்படும் – sivas kavithai thoguppu

அகத்துள் நிறைந்து உன்னையும் என்னையும் ஆட்டுவிக்கும் அணுவின் கூட்டாம் உயிரின் நிலைதனை உணர்தல் போன்றதொரு  அற்புதம்…. என் கவியின் சொற்பதம்….

நீர்த்திவலை

ரூபம் கொள்ளும் நீர்த்திவலைகள்; தெறித்த
விரல் விரயத்தின் கதை
ஓவியங்கள்; கழிப்பறை சுவற்றில்
ஒட்டிக்கொள்ளும் ராஜா ராணி கதைகள்;
குருபோதித்த ஆலமரம்;
தலைகீழாய் சீடர்கள்;
உருக்குலைந்த உயிரின தோன்றல்கள்;
தேசங்களாய் சிதறிப்போன மானுடம்;
இரு கூறுகளிலன் உயிரணு;
உதறல்களின் திரவம் சொல்லும்
கதைகளம்;

சிவசரன், செங்கோட்டை.

வெளியில் புலப்பபடாது
அண்ட வெளியில் சுற்றிதிரியும் …. 
ஜீவநதியின் பிம்பம் நான்…..