வெள்ளைப் பூசணி பச்சடி

காரம் இல்லாமல் குழந்தைகள் விரும்பும் வெள்ளை பூசணி செய்முறை பற்றி இந்த கட்டுரையில் ஏஞ்சலின் கமலா அவர்களின் சமையல் குறிப்பை வாசிப்போம் – vellai poosani pachadi.

தேவையான பொருட்கள்

பூசணி கீற்று – 1 (பெரியது)
தயிர் – 1 குவளை.
பச்சை மிளகாய் – 3
சின்ன வெங்காயம் – 10
கறிவேப்பிலை – சிறிதளவு.
உப்பு – தேவையான அளவு

செய்முறை

பூசணியை தோல் எடுத்து தகடு போல் மெல்லியதாக நறுக்கவும்.
பின்னர் தேவைக்கேற்ப உப்பு சேர்த்து 5 நிமிடங்கள் வேகவைக்கவும்.பின்னர் ஒரு கடாயில்ஒரு தேக்கரண்டி எண்ணெய் ஊற்றி கடுகு , பச்சை மிளகாய் கறிவேப்பிலை, சின்ன வெங்காயம் (நறுக்கியது) சேர்தது தாளித்து கெட்டித் தயிரில் கலக்கவும்.

பின்னர்.பூசணித் துண்டுகளையும் சேர்த்து உப்பு சேர்த்து கலக்கவும், கூடவே மல்லித்தழைகளைத் தூவவும்.

அருமையான பச்சடி தயார்.காரம் இல்லாமல் இருப்பதால் குழந்தைகளும் விரும்பி உண்பர்.

– ஏஞ்சலின் கமலா, தமிழ் ஆசிரியை, மதுரை.