பழ ரவை கொழுக்கட்டை

ரவை உப்புமா என்றாலே சிறியவர் முதல் பெரியவர் ஓடுவர். ஆனால்  இவ்வாறு செய்து கொடுத்தால் பழங்களின் வண்ணங்ளும் அவற்றின் சுவையும் அனைவரையும் கவரும் – rava kolukattai.

தேவையான பொருட்கள்

ரவை – 200 கிராம்
அன்னாசிப் பழம் – 1 துண்டு
மாதுளை – கால் கப்
ஆப்பிள் – 1 துண்டு
உலர் திராட்சை – 10
நெய் – 2 தேக்கரண்டி
உப்பு – தேவைக்கேற்ப

செய்முறை

ரவையை நன்கு வாசனை வருமாறு வறுக்கவும். பழங்களை சிறிய துண்டுகளாக நறுக்கவும்.

வாணலியில் நெய் ஊற்றி அனைத்து பழங்களையும் ஒரு நிமிடம் வதக்கவும். பிறகு அதே நெய்யில் ரவையையும் கலந்து உப்புமா பதத்திற்கு உப்பு சேர்த்துக் கிளறவும்.

இறக்குவதற்கு முன் பழங்களையும் சேர்த்து கிளறி அந்தக் கலவையை ஆறவிட்டு பிடி கொழுக்கட்டைகளாக பிடித்து இட்லி தட்டில் ஐந்து நிமிடம் வைத்து எடுக்கவும் – rava kolukattai.

சுவையான சத்துக்கள் நிறைந்த ரவை பழக் கொழுக்கட்டை தயார்.

– ஏஞ்சலின் கமலா, தமிழ் ஆசிரியை, மதுரை.