பாரதியாரின் புதிய ஆத்திசூடி – 3

ஒவ்வொரு வாரமும் இலக்கிய சனி பகுதியில் “பாரதியாரின் புதிய ஆத்திசூடி“ பத்து வரிகளுக்கு சிறப்பான விளக்கம் (ஏழு வரிகளில்) தருகிறார் கோமகன் – bharathiyar puthiya aathichudi 3

கைத்தொழில் போற்று

கைத்தொழில் ஒன்றைக் கற்றுக்
கொள்வதாயின்
கை கொடுக்குமது இடர்
வருகாலத்தே கடமையை
தொடர என்பதால் கைத் தொழில்
ஒன்றைக் கற்றுக்
கொள் கவலைஉனக்கிலை

கொடுமையை எதிர்த்து நில்

அநீதி என்றும் ஆர்பரிக்க
கூடாதென தெள்ளென
தெளி பின் அநீதி எதிர்த்து
செயல்பட ஆயத்த பணிகள்
முனைந்து முன்னெடுத்து
அநீதியின் விளைவுகளை
அடியோடு களைதல் எளிது

கோல்கைக் கொண்டு வாழ்

கோல் கை எடுத்தால்
குரங்கு ஆடும் என்பதன்
பொருளென கோல்கைக்
கொண்டு குற்றங்களை
தட்டிக் கேட்டு எதிர்த்து
நிற்றல் என்றும் அவசியம்
தான்னென்பேன்

கவ்வியதை விடேல்

நம் வாழ்க்கை பயணத்தே
கவ்வியது எதுவென்றே
சிந்தித்தால் நாம் கற்றதும்
பெற்றதும் தானென்பேன் எனில்
அவற்றை எதன் பொருட்டும்
கைவிடல்
ஏற்பதற்கில்லைதானே

சரித்திர தேர்ச்சி கொள்

நமது சரித்திரம் என்பது
நற்சான்று பலவும் பயிலும் உயர்
பெட்டகம் என்பேன்
என்பதாயின் இதுவே தான்
எம் பின்புல சரித்திரமென
உரிமையொடு உரக்க கூற
வலியுறுத்தினேனே

சாவதற்கு அஞ்சேல்

பிறவி எனும் பெருங்கடல்
பயணத்தின் இறுதி நிலை
சாக்காடு என்றேதான் நாம்
எல்லோரும் அறிந்திருக்க
பின் ஏன் பெரும் அச்சம்
கொள்வதாம் சாவெனும்
இறுதி கண்டு

சிதையா நெஞ்சு கொள்

உண்ணும் சுவை உணவு
மலம் என மாறுதல் தின
இயல்பேயாயின் எதற்கும்
சிதையா எண்ணத்தேவை
என்பதனை உணர்ந்தே நீ
இளமையில் முதுமையை
பழகிக் கொள் – bharathiyar puthiya aathichudi 3

சீறுவோர்ச் சீறு

சீற்றம் என்ற குணமதுவே
சிறுத்தைக்கு மட்டுமன்று
சீரிய மானுடருக்கும் ஏற்பே சீறும்
இடனறிந்து சீறுதல் வாழ்வின்
ஒரு நல்ல நெறி
என்பதை ஏற்று கொண்டு
சீற்றத்தை கை கொள்

சுமையினுக்கு இளைத்திடேல்

சுமையென கருதுவனவே
யாவும் நம் கடமையினது
இறுதி நிலை என அறிந்த
நீ சுமப்பதிலொரு சுகம்
உண்டென்பதை உணர்ந்து
நாம் சுமப்பதெல்லாம் நம்
கடமையென கண்டு கொள்

சூரரைப் போற்று

செயற்கரிய செயல்களை
செய்து முடித்து இறுதியில்
வெற்றி தழுவும் வீரமகன்
சூரன் இவனென பெயர்
எடுத்திடல் எல்லோருக்கும்
எளிதல்ல என்பதனையும்
உணருதல் உண்மையாம்

– மா கோமகன்